Hilbijartinên serdema 21’mîn ên parlamentoya federal Bundestag di 23ê Sibatê de hatin lidarxistin. Li gorî encamên dawî, hevpeymaniya Yekîtiya Xirîstiyanan CDU/CSU %28.52 ji dengan bi dest xist. Şêwirmendê nû yê Almanyayê, Friedrich Merz divê ji xwe re hevparekê bibine, da ku hikûmeta nû ava bike.
Partiya rastgir a dij koçberan Alternatîf ji bo Almanyayê (AFD) bû duyemîn û hetta a li rojhilatê Almanyayê bû hêza herî xurt. Partiya Lîberalan (FDP) û Hevgirtina Sahra Wagenknecht (BSW) di bin benda ji sedî pênc de man û nikaribûn bikevin parlamentoyê. Partiya Çep di vê hilbijartinê de dengen xwe zêde kirin û ji sedî 8,77 ê dengan wergirt.
Di podcasta vê heftiyê de em bi birêz Jian Omar, endamê Meclîsa Nûneran a Berlînê re li ser encam û bandora hilbijartinên giştî diaxivin. Wekî din, hin agahdariyên li ser hilbijartinên 23’ê Sibatê jî dê beşeke din a vê podcastê pêk bînin.